Ang Patriarkal na Nobelang Filipino: Tungo sa Talaangkanan ng Genre

Abstract

May dalawang bahagi ang sanaysay na ito. Una ay ang sosyo-historikal na presentasyon ng patriarkiya sa Pilipinas. Pagkatapos ay ang pagpapanukala sa nobela nina Edgardo Reyes at Ronaldo Vivo Jr. bilang halimbawa ng Patriarkal na Nobelang Filipino (PNF). Bilang genre, ang PNF ay may mga natatanging elemento, na siya namang himamayin sa mga susunod na seksyon. Ang papel ay inanasahang maging kontribusyon sa Araling Edgardo Reyes, pagsusuri sa nobelang Filipino, at pag-aaral sa kasarian at sekswalidad sa kultura ng Pilipinas.